Zona privada





ERREGE KOPARA ALOÑA MENDI ETA SUSTRAIri ESKER

Miércoles, 16 de Enero de 2013 14:44 Aratz Losada
Imprimir PDF

Datorren otsailaren 7tik 10era ACB ligako Errege Kopa jokatuko da Gasteizen. Aloña Mendiko saskibaloi sailak, SUSTRAI Fruta Dendaren laguntzari esker, Errege Kopa guztia DOAN ikustera gonbidatuko ditu Natra Oñatiko bi zaletu. Bono bikoitz bat oparituko baitu hile bukaeran egingo den zozketa batean.

Lehiaketaren funtzionamendua oso erraza izango da. Larunbat honetan, Natrak UPV Alava taldearen aurka jokatzen duen partidan, zaletuei argazki originalak ateratzea eskatuko zaie (argazki kamaraz, mugikorraz…). Argazki hauek kiroldegian eginak izan beharko dira eta gaia bakarra izango da; ALOÑA MENDI SASKIBALOIA.

Beraz bakoitzak duen habileziaren arabera, nahi adina argazki atera ahal izango ditu (harmaileko giroa, jokalariekin argazkiak, kuadrilen argazkiak, maskotarekin argazkiak…). Ondoren, argazki hauek  Esta dirección electrónica esta protegida contra spam bots. Necesita activar JavaScript para visualizarla helbidera bidali beharko dira egilearen izen abizenak eta telefono zenbaki bat zeaztuz. Argazkiak bidaltzeko azken eguna urtarrilaren 26 izango da. Ondoren, klubeko zuzendaritzak eta argazkilaritza munduko aditu batek, jasotako argazki denak aztertu eta guztien artean onena aukeratuko du.

Azkenik, argazki onena egin duen zaletuaren izena urtarrilaren 29an jakinaraziko da, klub-eko web orria eta inguruko komunikabideen bitartez.

Utzi lotsak alde batera eta animatu zaitezte lehiaketara. Eraman zuen kamera, mugikor edo dena delako aparatuak eta parte hartu beldur gabe lehiaketa berritzaile honetan saria itzela da eta!!

 

alt

Última actualización el Lunes, 21 de Enero de 2013 17:55
 

Aurrez Aurre...IMANOL CECIAGA-rekin

Martes, 15 de Enero de 2013 10:02 Aratz Losada
Imprimir PDF

alt

Aste honetan, Aurrez Aurre deituko diogun elkarrizketa pertsonalizatu honetako bigarren protagonistarekin jarraituko dugu. Elkarrizketa honen bitartez, gure jokalariak gehiago ezagutu ahal izango dituzue eta saskibaloi kantxa batean nolakoak diren jakiteaz gain, hortik kanpo ere zer nolako gustuak dituzten jakin ahal izango duzue.

Aste honetako protagonista IMANOL CECIAGA izango da. Hona hemen, antolatzaile arrasatearrarekin mantendu dugun aurrez aurrekoa:

 

 

FITXA PERTSONALA:

Izena: Imanol
Abizenak: Ceciaga Goyena
Jaoitze data: 1990ko urriaren 5ean
Jaioterria: Arrasate

Dorsala: 5
Postua: Antolatzailea
Altura: 1,88 m
Pisua: 71 kg



1.- Noiz eta non hasi zinen saskibaloian jokatzen? Ze oroitzapen dituzu?

Nire lehen oroitzapenak aitarekin dira, gogoan daukat etxe azpiko saskian orduak eta orduak pasatzen genituela. Dena den, praktikatu nuen lehenengo kirola futbola izan zen, nire amak errealitatea zein zen erakutsi zenidan arte (pakete hutsa nintzela esan zidan). Horregaitik saskibaloian hastea erabaki nuen.

Gezurra dirudien arren, Iagoba Gamarra izan zen nire lehenengo entrenatzailea. Zeinek esango luke orduan bere taldekidea izango nintzenik!! Argi dago ez zidala bera bezala jaurtitzen irakatsi…zoritxarrez.



2.- Zein izan da saskibaloian ikusi duzun jokalaririk onena? eta zure idoloa?

Ikusi dudan jokalaririk aipagarriena eta nire idoloa dudarik gabe, Jason Williams (chocolate blanco) da. Hau irakurtzen duzuenei gomendatzen dizuet youtuben bere bideo ezberdinak bilatzea. Bestalde, sekula ikusi dudan jokalaririk onena Allen Iverson izan da.



2+1.- Jokalari maniatikoa al zara? Ohitura bereziren bat ba al daukazu partida egunetan?

Ez naiz oso maniatikoa egia esateko, baina partidu txar bat jolasten dudanean, erabili ditudan galtzerdiak ez ditut berriro ere erabiltzen.



3.- Ze musika entzuten duzu partida baten atarian?

RAP-a entzutea gustatzen zait, normalean amerikarra. Adibidez, Gorka Kintana eta biok Oñatira partidutara joaten garenean, nik egindako CD bat entzuten dugu partidura motibatuta heltzeko.



4.- Saskibaloian bizi izan duzun momenturik onena? Eta txarrena?

Momenturik onenak, juniorra nintzenean Gipuzkoako txapelketako finalerditan kategoriako ekiporik gogorrenari irabaztea eta Euskadiko selekzioarekin Espainiako txapelketa jolastea. Horiek izan dire dudarik gabe nire ibilbideko momenturik onenak

Txarrena berriz, Gipuzkoako txapelketa berdinean, finalean puntu bakarratik galtzea izan zen. Nik azkeneko segundoan irabazleak egingo gintuen jaurtiketa huts egin nuen gainera. Juniorretan jolastu nuen azkeneko partidua izan zen eta malkoak eta dena bota nituen bertan, oso markatuta daukat momentu hura.


5.- Zer eskatuko diozu urte berriari?

Natra Oñatiren zaleek ekipoarekin bi astetik behin gozatzea, eta orain arte gertatu den moduan, harmailak beteta ikustea. Eta eskatzekotan, nire bihotzeko ekipoak,(Oñatiren ostean noski) Bilboko Athletikek aurreko urteko pozak ematea, nahiz eta zaila izango den.

Última actualización el Lunes, 21 de Enero de 2013 17:55
 

GOI MAILAKO SASKIBALOIA BUELTAN DA

Sábado, 12 de Enero de 2013 11:30 Aratz Losada
Imprimir PDF

Saskibaloi zaleei luze egingo zitzaien seguraski EBA mailako gabonetako atseden hau. Ia hilabete luzez -abenduaren 15etik-, geldi egon baita txapelketa. Dena den, gabonetako atsedenaldia atzean utzita, kirol urte berria gaur bertan estreinatuko du Natra Oñati Aloña Mendi taldeak. Ligako 9. jardunaldi honetan, Megacalzado Ardoi talde Nafarraren aurka jokatuko dute Eneko Blancoren mutilek. Hitzordua, arratsaldeko 18:00 izango da Zubikoako Kiroldegian.

alt

Hilabeteko geldialdi luze bat igaro ostean, goi mailako saskibaloi gosez izan dira Oñatin eta gose hori asetzeko aukera ezinhobea izango dute gaur arratsaldean Natra Oñatiren jarraitzaileak. Izan ere, Abenduaren 8az geroztik, ez baitute beraien taldea zuzenean ikusteko aukera gehiagorik eduki. Orduko hura oso ondo amaitu zen. Etxeko azken partiduan, oñatiarrek Goierri taldea goitik behera menderatu zuten (88-73) eta bide batez, agur bikaina eman zioten Zubikoan 2012 urteari. Baina hori ez zen pasaden urteko azken partida izan derbia irabazi ondoren, abenduaren 15ean, Valladoliden ere garaipen handia lortuta (62-81) era ezin hobean agurtu zuten eta Aloña Mendiko historia liburuetan gordeko den 2012. urtea.

Dena den, iraganean egindakoaz bizitzerik ez dagoenez, orainera etorri eta berriz ere partidaz partida erakutsi beharko du, inoiz baino gehiago, talde gorritxoak lidertzan egotearen motiboa zein den. Hori da hain zuzen ere estreinatu berri dugun urte honetarako taldeak ezarri duen erronka. Iaz emandako maila berrestea hain zuzen ere. Ez da erraza izango, baina lana horretarako egiten da. Jakinekoa da askotan dinamika positibo batean sartuta egoten diren taldek, ez dutela batere gustoko horrelako geldialdi luze bat, erritmoak apurtu eta dinamikak erortzeko aukerak izaten direlako, baina hori ezeztatzea ere, beste erronka potolo bat izango da Natra Aloña Mendirentzat.

 

AURKARI GAIZTOA

Gaur arratsaldeko aurkaria, benetan arriskutsua izango da. Sailkapenari dagokionez, inungo estuasunik gabe etorriko dira naparrak oñati aldera. Are gehiago, 2012. urtean jokatu zituzten azken lau partidak jarraian irabazi zituzten eta honi liderraren etxean jokatzearen motibazio extra gehitzen badiozu, oso kontutan hartzeko taldea bilakatzen du Megacalzado Ardoi taldea. Iñigo Zabaleta kapitainak ostegunean Oñati Irratian azaldu zuen bezela "inungo presiorik gabe etorriko dira, eta horrelako taldeen aurka asko sufritu dugu aurtengo denboraldian".

Gainera ziurrenik oñatiarrekiko gogo berezi bat ere izango dute naparrek izan ere, aurredenboraldian bi aldiz neurtu zitutzen indarrak bi taldeek eta bietan, diferentzia gutxigaitik izan bazen ere, Natraren alde erori zen balantza. Izar edo zenbaki haundirik gabeko jokalariz osatutako taldea dela esaten ausartuko ginateke, baina hori da hain zuzen ere, Nafarren bertuterik hoberena; TALDEA. Plantilla oso orekatua dute eta jokalari guztiak dira kapaz errotazio minutu honak emateko.

 

ASIER DE LA IGLESIA BAJA DENBORALDI BATERAKO

Talde oñatiarrari dagokionean, baja garrantzitsu bat izango du Eneko Blanco entrenatzaileak datozen jardunaldietarako. Pasaden larunbatean, Ainhoa Lazkanoren omenezko partiduan taldeko erreferenteetako bat den Asier De la Iglesiak orkatilla biurritu zuen eta astean zehar egin dizkioten proba ezberdinek, baieztatu dute hirugarren graduko biurritu gogor bat daukala eta errekuperazio plazoek agintzen dutenez, hilabete inguru eman beharko du kantxetatik kanpo pibot Urretxuarrak (argazkian ikus daiteke Asierren orkatilaren egoera asteazkenean bertan egindako argazki batean).

Gainontzeko jokalariak zorionez, izan dituzten arazo txikietatik ondo sendatu eta gaurkoan Blancoren aginduetara izango dira. Aipatzekoa De la Iglesiaren baja, betetzeko bigarren taldeko Ibai Osa, deialdian sartu duela entrenatzaile oñatiarrak.

alt

 

BI PARTIDA JARRAIAN ZUBIKOAN

Hiru jardunaldi besterik ez dira gelditzen lehen itzulia bukatzeko eta oñatiarrek aukera ezin hobea daukate goiko postuak mantendu eta posible izanez gero, bigarren eta hirugarren sailkatuekiko diferentzia areagotzeko. Datozen bi jardunaldiak etxean jokatuko baititu Ardoi eta UPV taldeen aurka. Lehen itziliko azken partidua berriz, kantabria aldean izango da Pas Pielagosen aurka. Beraz, berriz ere kantxa faktorea oso garrantzitsua izango da datozen bi aste hauetan. Orain arte bezela zaleek ere bere garrantzia izango dute bereziki etxeko bi partidu hauetan. Inork ez dauka zalantzarik eta gaurkoan ere seigarren jokalari horren presentzia ezinbestekoa izango da garaipena lortzeko.

 

AUPA ALOÑA!!

Última actualización el Miércoles, 16 de Enero de 2013 17:47
 

Aurrez Aurre...IAGOBA GAMARRA-rekin

Martes, 08 de Enero de 2013 11:16 Aratz Losada
Imprimir PDF

 

altUrte berriaren hasierarekin, hemendik aurrera asteko partiduen prebia eta kronikez gain, astero, Natra Oñati taldeko jokalari eta tekniko bana ekarriko dugu Aurrez Aurre deituko diogun elkarrizketa pertsonalizatu honetara. Elkarrizketa honen bitartez, gure jokalariak gehiago ezagutu ahal izango dituzue eta saskibaloi kantxa batean nolakoak diren jakiteaz gain, hortik kanpo ere zer nolako gustuak dituzten jakin ahal izango duzue.

Dorsalaren arabera hasiko gara eta urteko lehen protagonista IAGOBA GAMARRA izango da. Hona hemen, hegaleko atxabaltarrarekin mantendu dugun aurrez aurrekoa:

 

FITXA PERTSONALA:

Izena: Iagoba
Abizenak: Gamarra Iñurrategi
Jaoitze data: 1977ko martxoaren 11an
Jaioterria: Eskoriatza (baña Atxabaltarra naz....!!)

Dorsala: 4
Postua: Eskolta
Altura: 1,90 m.
Pisua: 83 kg

 

1.- Noiz eta non hasi zinen saskibaloian jokatzen? Ze oroitzapen dituzu?

9 urterekin hasi nintzen Almen Ikastolan kuadrilako lagunekin; Ander Mallabi ere handik zebilen gurekin. Hala ere, askoz lehenago ezagutu nuen saskibaloia. Nire aita entrenatzailea baitzen eta beraiekin ibiltzen nintzen aurrera eta atzera. Oroitzapen ederrak: lenengo partidua euripean Bergaran, galdu eta irabazitako hainbat partidu, Ajuria Enea ezagutu,... ILUSIOA!

2.- Zein izan da saskibaloian ikusi duzun jokalaririk onena? eta zure idoloa?

Onena Jordan duda gabe, baina nire gustokoenak Magic Johnson eta bereziki Drazen Petrovic haundia. Taldekide bezela eduki dudan onena David Scott izan da, Arrasatera etorri zen estatubatuar bat. Ondoren eduki duen karrera izugarriagatik Jorge Garbajosa ere aipatu nahiko nuke. 

2+1.- Jokalari maniatikoa al zara? Ohitura bereziren bat ba al daukazu partida egunetan?

Ez dut uste oso maniatikoa naizenik gauza horiekin, nahiz eta saiatzen naizen gauza batzuk errepikatzen (partidu aurreko azken jaurtiketa librea botatzea adibidez).

3.- Ze musika entzuten duzu partida baten atarian?

Gure speakerrak jartzen digun edozer!  

4.- Saskibaloian bizi izan duzun momenturik onena? Eta txarrena?

Onak asko: Txikitan Espainiako txapeldun izatea, Arrasateko azken urteak, Oñatiko igoera denak...baina momentuekin baño lorpen hoiek nerekin konpartitu dituzten pertsonekin gelditzen naiz. Hala ere, une ahaztezin bat aipatu nahiko nuke: Oñatiko plazan EBArako igoera ospatzen egon gineneko eguna. Izugarria izan zen...

Txarrak: 16 urterekin orkatilan eduki nuen lesioa eta horren ondorioz pasatako 2-3 urteak. Beste oroitzapen txar bat ere baneukan baina horri eskerrak etorri nintzen Oñatira urte zoragarri hauek pasatzera, beraz jadanik ahaztuta dago.

5.- Zer eskatuko diozu urte berriari?

Lan egin nahi duen orok lan egiteko aukera izatea baldintza duin batzutan; inguruko denak osasuna edukitzea eta noski, Natra Aloñarentzat garaipen pila bat. Ta eskatzen hasita, norbaitek bilatzen badu, nere eskumuturra bueltatzea.

 

Última actualización el Lunes, 14 de Enero de 2013 18:12
 

A COMERSE LAS UVA-s

Viernes, 14 de Diciembre de 2012 18:11 Aratz Losada
Imprimir PDF

Ezertan hasi aurretik barkamena eskatu nahi dizuegu gaurko izenburua gaztelanieraz idatzi izanagaitik. Hala ere, ezin genuen horrelako hitz jolas bat egiteko aukera alferrik galdu. Izan ere, Natra Oñati Aloña Mendi taldeak urtea bukatzeko, UVA (Universidad de Valladolid) taldeari bisita egingo dio, bihar 18:30 Valladolideko Unibertsitateko instalazioetan jokatuko den EBA mailako 8. jardunaldian.

alt

Eguberri giroan erabat murgilduta gauden honetan, geroz eta gertuago daukagu urtezahar eguna eta kirol ikuspegiari erreparo egiten badiogu, Natra Oñatiren urtezahar eguna bihar arratsaldeko eguna izango da dudarik gabe. Kirol urteko azken eguna izaki, oñatiarrak mimo handiz gertatu nahi izan dute urteko agurra eta bide batez, Valladolid-eko hamabi mahatsak nola jan beharko dituzten aztertzen aritu dira aste osoan zehar.

Ez da batere erreza izango eta jakitun dira Eneko Blancoren mutilak. Hala ere, hilabeteko atsedenaldi goxoa hartu aurretik eta bereziki historia liburuetan gordeko den urte honetako azken historioa idatzi aurretik, garaipen bat lortzea ikaragarria izango litzateke. Pasaden denboraldian UVA taldea gaindituta hasi baikenuen EBA mailako ibilbide ahaztezin hau eta aurkari berdinaren kontra irabazi eta lidertza sendotuta urtea bukatzea, oñatiko saskibaloi zale guztiei egindako opari bikaina litzateke.

 

AURKARI GOGORRA

Sailkapenean bi taldeen artean diferentzia dagoen arren, oñatiarrak kontu handiz jokatu beharko dute biharko lehian zerbait positiboa lortu nahi badute. Valladolid-eko gizonak sailkapeneko bostgarren postuan aurkitzen dira Natra Oñatik baino bi garaipen gutxiagorekin, baina bereziki etxean oso talde lehiakorra dira. Intentsitate handiko defentsako lana, kontraerasora irtetzeko erraztasuna eta saskiratze ugari lortzeko gaitasuna duen taldea da pucelako taldea (80 puntu bataz beste sartuta ligako talderik saskiratzaileena da). Kontrapuntu bezela, talde oñatiarraren sendotasuna dago. Etxetik kanporako partida guztiak irabazi ditu eta bere joku estiloa guztiz kontrakoa da. Joko geldoa, jokaldi landuagoak...

Beraz, biharko partiduko gakoetako bat jokuaren erritmoa kontrolatzea izango da. Partida azkarra eta puntu askotara badijoa, oñatiarrek gutxi izango dute egiteko. Aldiz, puntu gutxitara eta erritmo pausatuago batetara jokatzen bada, hor bai, Natrak urtea borobiltzeko aukerak izango dituela.

alt

 

GABONETAKO GELDIALDIA ETA ETORKIZUNA

Gaur iluntzeko azken lan saioaren aurretik, hasiera batean, biharko partidarako Blanco entrenatzaileak plantilla osoa bere aginduetara izango du. Xabier Odriozola lesio luze batetik dator eta ez da 100% iritsiko, baina ziurrenik bihar taldekide bat gehiago izango da. Partida honetan gertatzen dena gertatuta egoera oso onean iritsiko da taldea gabonetako atsedenaldira. Kasurik okerrenean 6-2 ko balantze batekin eta kasurik hoberenean 7-1ekoarekin bukatuko baitu urtea.

Biharko partiduaren ondoren, hilabeteko atsedenaldia izango du EBA mailak eta urtarrilaren 12 arte ez dugu jardunaldi gehiagorik izango. Hala ere bihar garaipena lortuz gero, urtarrileko partidei begira ere, beste lasaitasun bat lortuko dute izan ere, urtarrileko lehen bi partiduak Zubikoan jokatuko bait ditu talde Oñatiarrak Ardoi eta UPV taldeen aurka.

 

AUPA ALOÑA!! EGUBERRI ETA URTE BERRI ON!!


Última actualización el Miércoles, 02 de Enero de 2013 19:53